ปจฺฉิมภวิกานํ รูปาวจรํ อรูปาวจรํ อุปปชฺชนฺตานํ เย จ รูปาวจรํ อรูปาวจรํ อุปปชฺชิตฺวา ปรินิพฺพายิสฺสนฺติ เตสํ จวนฺตานํ เตสํ ธมฺมายตนํ นิรุชฺฌิสฺสติ, โน จ เตสํ ฆานายตนํ นิรุชฺฌิสฺสติฯ อิตเรสํ เตสํ ธมฺมายตนญฺจ นิรุชฺฌิสฺสติ ฆานายตนญฺจ นิรุชฺฌิสฺสติฯ (ฆานายตนมูลกํ)
[135] ยสฺส รูปายตนํ นิรุชฺฌิสฺสติ ตสฺส มนายตนํ…เป.… ธมฺมายตนํ นิรุชฺฌิสฺสตีติ? อามนฺตาฯ
ยสฺส วา ปน ธมฺมายตนํ นิรุชฺฌิสฺสติ ตสฺส รูปายตนํ นิรุชฺฌิสฺสตีติ?
ปจฺฉิมภวิกานํ อรูปํ อุปปชฺชนฺตานํ เย จ อรูปํ อุปปชฺชิตฺวา ปรินิพฺพายิสฺสนฺติ เตสํ จวนฺตานํ เตสํ ธมฺมายตนํ นิรุชฺฌิสฺสติ, โน จ เตสํ รูปายตนํ นิรุชฺฌิสฺสติฯ อิตเรสํ เตสํ ธมฺมายตนญฺจ นิรุชฺฌิสฺสติ รูปายตนญฺจ นิรุชฺฌิสฺสติฯ
[136] (ก) ยสฺส มนายตนํ นิรุชฺฌิสฺสติ ตสฺส ธมฺมายตนํ นิรุชฺฌิสฺสตีติ? อามนฺตาฯ
(ข) ยสฺส วา ปน ธมฺมายตนํ นิรุชฺฌิสฺสติ ตสฺส มนายตนํ นิรุชฺฌิสฺสตีติ? อามนฺตาฯ
(ข) อนุโลมโอกาโส
[137] ยตฺถ จกฺขายตนํ นิรุชฺฌิสฺสติ…เป.…ฯ
(ค) อนุโลมปุคฺคโลกาสา
[138] (ก) ยสฺส ยตฺถ จกฺขายตนํ นิรุชฺฌิสฺสติ ตสฺส ตตฺถ โสตายตนํ นิรุชฺฌิสฺสตีติ ? อามนฺตาฯ
(ข) ยสฺส วา ปน ยตฺถ…เป.…? อามนฺตาฯ
(ก) ยสฺส ยตฺถ จกฺขายตนํ นิรุชฺฌิสฺสติ ตสฺส ตตฺถ ฆานายตนํ นิรุชฺฌิสฺสตีติ?
รูปาวจรานํ…เป.… กามาวจรานํ…เป.…ฯ
(ข) ยสฺส วา ปน ยตฺถ…เป.…? อามนฺตาฯ
(ก) ยสฺส ยตฺถ จกฺขายตนํ นิรุชฺฌิสฺสติ ตสฺส ตตฺถ รูปายตนํ นิรุชฺฌิสฺสตีติ? อามนฺตาฯ
(ข) ยสฺส วา ปน ยตฺถ รูปายตนํ นิรุชฺฌิสฺสติ ตสฺส ตตฺถ จกฺขายตนํ นิรุชฺฌิสฺสตีติ?
อสญฺญสตฺตานํ…เป.… ปญฺจโวการานํ…เป.…ฯ
(ก) ยสฺส ยตฺถ จกฺขายตนํ นิรุชฺฌิสฺสติ ตสฺส ตตฺถ มนายตนํ นิรุชฺฌิสฺสตีติ? อามนฺตาฯ
(ข) ยสฺส วา ปน ยตฺถ…เป.…?
อรูปานํ…เป.… ปญฺจโวการานํ…เป.…ฯ
(ก) ยสฺส ยตฺถ จกฺขายตนํ นิรุชฺฌิสฺสติ ตสฺส ตตฺถ ธมฺมายตนํ นิรุชฺฌิสฺสตีติ? อามนฺตาฯ
(ข) ยสฺส วา ปน ยตฺถ…เป.…?
อสญฺญสตฺตานํ อรูปานํ…เป.… ปญฺจโวการานํ…เป.…ฯ (จกฺขายตนมูลกํ)
[139] (ก) ยสฺส ยตฺถ ฆานายตนํ นิรุชฺฌิสฺสติ ตสฺส ตตฺถ รูปายตนํ นิรุชฺฌิสฺสตีติ? อามนฺตาฯ
(ข) ยสฺส วา ปน ยตฺถ…เป.…?
รูปาวจรานํ…เป.… กามาวจรานํ…เป.…ฯ
(ก) ยสฺส ยตฺถ ฆานายตนํ นิรุชฺฌิสฺสติ ตสฺส ตตฺถ มนายตนํ นิรุชฺฌิสฺสตีติ? อามนฺตาฯ
(ข) ยสฺส วา ปน ยตฺถ…เป.…?
รูปาวจรานํ อรูปาวจรานํ…เป.… กามาวจรานํ…เป.…ฯ
(ก) ยสฺส ยตฺถ ฆานายตนํ นิรุชฺฌิสฺสติ ตสฺส ตตฺถ ธมฺมายตนํ นิรุชฺฌิสฺสตีติ? อามนฺตาฯ
(ข) ยสฺส วา ปน ยตฺถ…เป.…?
รูปาวจรานํ อรูปาวจรานํ…เป.… กามาวจรานํ…เป.…ฯ (ฆานายตนมูลกํ)
[140] (ก) ยสฺส ยตฺถ รูปายตนํ นิรุชฺฌิสฺสติ ตสฺส ตตฺถ มนายตนํ นิรุชฺฌิสฺสตีติ?
อสญฺญสตฺตานํ…เป.… ปญฺจโวการานํ…เป.…ฯ
(ข) ยสฺส วา ปน ยตฺถ…เป.…?
อรูปานํ…เป.… ปญฺจโวการานํ…เป.…ฯ
(ก) ยสฺส ยตฺถ รูปายตนํ นิรุชฺฌิสฺสติ ตสฺส ตตฺถ ธมฺมายตนํ นิรุชฺฌิสฺสตีติ? อามนฺตาฯ
(ข) ยสฺส วา ปน ยตฺถ…เป.…?
อรูปานํ…เป.… ปญฺจโวการานํ อสญฺญสตฺตานํ…เป.…ฯ (รูปายตนมูลกํ)
[141] (ก) ยสฺส ยตฺถ มนายตนํ…เป.…? อามนฺตาฯ
(ข) ยสฺส วา ปน ยตฺถ…เป.…?
อสญฺญสตฺตานํ…เป.… จตุโวการานํ ปญฺจโวการานํ เตสํ ตตฺถ ธมฺมายตนญฺจ นิรุชฺฌิสฺสติ มนายตนญฺจ นิรุชฺฌิสฺสติฯ (ยถา อุปฺปาทวาเร ยสฺส ยตฺถเก อนาคตา ปุจฺฉา วิตฺถาริตา, เอวํ นิโรเธปิ วิตฺถาเรตพฺพา)ฯ
(ฆ) ปจฺจนีกปุคฺคโล
[142] (ก) ยสฺส จกฺขายตนํ น นิรุชฺฌิสฺสติ ตสฺส โสตายตนํ น นิรุชฺฌิสฺสตีติ? อามนฺตาฯ
(ข) ยสฺส วา ปน โสตายตนํ น นิรุชฺฌิสฺสติ ตสฺส จกฺขายตนํ น นิรุชฺฌิสฺสตีติ? อามนฺตาฯ
